كنافة بالقشطة
المقادير:
- نصف كيلو كنافة
- كوب سمنة مذابة
- معلقة كبيرة سكر بودرة
الحشو:
- كوبين حليب
- 3 معالق كبار نشا
- 2 معلقة كبيرة بودرة كريم شانيته
- نصف كوب قشطة (اختياري)
- معلقة صغيرة فانيليا
طريقة تحضير الحشو:
في حلة، نضيف الحليب ونذوب النشا والفانيليا وبودرة الكريم شانتيه على البارد، ثم نرفعهم على النار مع التقليب المستمر لحد ما الخليط يثقل. نرفعه من على النار ونضيف القشطة ونقلب كويس ونسيبه يبرد شوية.
طريقة التحضير:
- نقطع الكنافة قطع صغيرة ونضيف عليها السكر البودرة والسمنة.
- ندهن الصينية بالسمنة، ونفرد عليها نصف كمية الكنافة ونضغط عليها كويس.
- نفرد طبقة من الحشو ونوزعها براحة، ونسيب الأطراف فاضية بدون حشو.
- نضيف كمية الكنافة الباقية، ونضغط عليها براحة، ثم نوزع السمنة على الوش.
- ندخلها فرن ساخن على درجة حرارة 200، وأول ما الأطراف تتحمر نفتح الشواية لحد ما لونها يبقى ذهبي.
- نخرجها من الفرن ونسقيها شربات تقيل بارد وهي سخنة، ونغطيها لدقيقتين فقط، وبعدها نكشفها علشان تفضل مقرمشة.
- نسيبها تبرد ونقدمها.
